Поразот од Башкими значеше нов удар за Шкендија, која веднаш загуби чекор во трката за првото место. Разликата во однос на Вардар сега изнесува четири бода, што дополнително го зголемува притисокот врз тетовскиот тим.
Во самата завршница од сезоната, секоја грешка скапо се плаќа, а „црвено-црните“ тоа веќе го почувствуваа на своја кожа по неуспехот на домашен терен.
Сега, секој нов кикс може уште повеќе да го доближи Вардар до шампионската титула. Затоа, за Шкендија нема простор за нови грешки – гостувањето во Кратово носи императив за победа и освојување на трите бода, доколку сака да остане во трката за одбрана на титулата.
„Искрен да бидам, разочарани сме од последниот меч од Башкими. Не го заслуживме тој пораз, но нема запирање. Мораме да преземеме одговорност, да покажеме карактер и веднаш да реагираме против Силекс. Пред нас имаме незгоден противник, особено кога игра на свој терен во Кратово. Не очекува тежок меч. Добро ги анализиравме грешките од минатото, и мораме да влеземе во мечот со 100% концентрација. Фокусирани сме само на нашиот тим. Сите играчи се обединети и ќе го дадат максимумот за овој клуб. Нашата цел е јасна, а тоа е до последното коло да се бориме и да дојдеме до титулата“, рече Имран Фетаи.
