Дисциплинската комисија на денешната седница донесе одлука поврзана со натпреварот меѓу ФК Скопје и ГФК Тиквеш 1930, одигран во рамките на 23. коло од Младинската Супер лига.
Поради утврден неправилен настап, односно користење лажни податоци и невалидни легитимации од страна на дел од фудбалерите на ГФК Тиквеш 1930, клубот е санкциониран со парична казна од 1.000 евра, како и со одземање на три бода од младинската екипа.
Дополнително, претставникот на клубот на овој натпревар, Трајче Димитриев, доби забрана за вршење функција во времетраење од 18 месеци.
