Останато

Македонските таеквон-до натпреварувачи со борбени настапи на Европското првенство во Крит

Сподели
Сподели



Македонската репрезентација во традиционално таеквон-до имаше низа настапи во третиот и четвртиот натпреварувачки ден на Европското првенство кое се одржува во Крит, Грција, при што нашите спортисти достојно ја претставија државата на силната меѓународна сцена.

Христијана Парулеска настапи во категоријата борби за јуниорки (16–17 години, -58 кг), каде се соочи со натпреварувачки од Украина, Грција и Русија, но не успеа да стигне до пласман во борбата за медал.

Во машка конкуренција кај јуниорите (16–17 години, -57 кг), Климент Богоески, како дебитант на Европско првенство, прикажа одлични борби. Тој оствари значајна победа против претставникот на Шпанија, додека во дуелите со Белорусија и Бугарија беше поразен со минимална бодовна разлика.

Теодора Митреска, исто така дебитант, се натпреваруваше во категоријата сениори (18–34 години, -67 кг) против ривалки од Бугарија, Русија и Украина. И покрај квалитетните изданија, не успеа да обезбеди место во борбата за медал.

Кај сениорите (-78 кг), Владимир Димитриевиќ имаше сериозни предизвици против противници од Бугарија, Русија и Германија. Иако настапи на високо ниво, не успеа да го повтори успехот од претходното Европско првенство во Естонија и да стигне до медал.

Добар настап имаше Давид Крстески (-64 кг), кој забележа две победи против натпреварувачи од Бугарија и Велс, но беше запрен во четвртфиналето од претставникот на Русија.

Божидар Димитриевиќ (+92 кг) го започна својот настап со дуел против претставникот на Естонија, но поради повреда здобиена во втората рунда, по лекарски преглед не му беше дозволено да продолжи со натпреварувањето против ривалите од Русија и Бугарија.



Иако македонската репрезентација овојпат остана без освоен медал, настапите на нашите натпреварувачи донесоа важни искуства и потврдија силен борбен дух, дисциплина и посветеност.

Од Македонската традиционална таеквон-до федерација истакнуваат дека продолжуваат со посветена работа и развој, со цел постигнување уште подобри резултати на идните меѓународни, европски и светски натпреварувања.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Кошарка

Феникс гази без милост, Охрид го урна непоразениот Гостивар, Вардар со пресврт се искачи на врвот!

Седмото коло од Првата македонска кошаркарска лига донесе значајни резултати во двете натпреварувачки групи, прекин на една победничка серија и дополнително заострување на...

Кошарка

Вардар од минус 21 до голема победа во дербито, МЗТ го урна шампионот, Баскет кам и Пробаскет сигурни!

Петтото коло од „Шпаркасе Лајф“ Првата женска кошаркарска лига донесе големи возбудувања, драматичен пресврт во дербито на непоразените екипи и важни победи во...

Поврзани написи
Останато

Делчево ќе добие современа спортска сала – Ристовски: Ги враќаме во живот спортските центри низ цела Македонија

Министерството за спорт продолжува со реализација на проектите за изградба и реконструкција...

Останато

Убедлива победа за одбојкарките на Струмица над Универзитет во Тетово

Поранешниот шампион на Македонија, Струмица, забележа убедлива победа од 3:0 во сетови...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со...

Останато

Формиран Сојузот на училишен спорт на Источниот регион – Александар Андов избран за претседател

Со цел унапредување, развој и поголема афирмација на училишниот спорт, официјално се...

✕
error: Содржина е заштитена! Се забранува копирање на истата!