Минимална, но голема победа за некогашниот второлигаш Кадино, кој денес на домашен терен славеше минимална победа од 1:0 над Фортуна, благодарение на голот на Кристијан Ивановски постигна во 70. минута од мечот.
Овие три бодови за тимот се многу важни во битката за опстанок во третолигашкото друштво на Северот.
Студеничани забележа гостинска победа од 1:3 над Отља, откако за гостинот стрелаа Хамит АБази за 0:1 на полувреме и Неџати Шабани и Риад Кадри за 0:3, а потоа Лабинот Куртиши погоди за ублажување на поразот на 1:3.
Башкими Љуботен дојде до многу важна победа откако со 4:3 ја доби голеадата со Пчиња на домашен терен. Нусрет Курти стигна до хет-трик и беше најзаслужен за трите бодови, а еден гол беше дело на Абад Рамадани, за гостинот стрелаа Николче Стојановски и Александар Спасовски во првито дел и Далибор Тодоровски во вториот дел.
Лопати и Куманово одигра 1:1 со што гостинскиот тим не ја оправда фаворитската улога која ја имаше на хартија, ремизирајќи за бод. По чистите мрежи во првиот дел Никола Стевчевски постигна гол во 53. минута за 0:1, а десет минути подоцна Зијадин Ајдини погоди за 1:1.
Трите бодови останаа во Ново Лисиче откако Аеродром со 2:1 го доби тимот на Беса од Слупчане. До победата домаќинот стигна откако Мартин Атанасовски погоди во 14. минута за отварање на резултатот, а четири минути подоцна Христијан Коцев погоди за 2:0. Во финишот од мечот поточно во 86. минута Шуајб Бајрами постигна гол за конечни 2:1 и ублажување на поразот.
БВК Коњаре ја запре победничката форма на Беса Сарај, откако гостинот загуби со 2:1, со што тимот од Сарај по седум победи во низа загуби.
Резултатот беше отворен во судиското надополнување на првиот дел односно 45+8. минута кога Онур Емини погоди за 1:0. Во вториот дел домашниот тим преку Гезим Бакиевски постигна гол за 2:0. Гостинот се обидуваше да се спаси од пораз, но имаше време само за ублажување на поразот откако Амар Демири во 88. минута погоди за конечни 2:1.
Треба да се истакна дека гостинот од 43. минута беше со играч помалку кога Фуркан Саити поради два жолти картони го напушти мечот, а домаќинот во 90. минута остана без Гезим Бакиевски кој заврши мечот по доделување на вториот жолт картон.
„По завршување на натпреварот имаше несогласувања помеѓу двете управи, каде благодарение на припадниците на МВР беше реагирано навреме и не дојде до поголем инцидент“, се наведува во записникот од мечот.
Како што објави Спортска Мрежа, вчера Еуромилк ГЛ со 0:3 го доби Ржаничино.
