Останато

Штип УГД на чекор до титула: Триумф во Велес за 2-0 во финалната серија

Сподели
ФОТО: ОК Штип УГД
Сподели



Одбојкарскиот клуб Штип УГД е на само една победа од шампионската титула во Првата лига, откако во вториот натпревар од финалната серија славеше на гостувањето кај ГОК Борец во Велес со убедливи 0-3 во сетови (24:26, 14:25, 23:25).

Иако конечниот резултат сугерира сигурна победа, првиот сет донесе вистинска драма. Домашниот тим отвори одлично и поведе со 7:1, а во финишот имаше и 20:17. Сепак, штипјани не се предадоа, израмнија на 21:21 и во неизвесна завршница ја искористија третата сет топка за водство од 0-1.

Во вториот сет гостите целосно ја презедоа контролата на теренот и со сигурна игра лесно го зголемија водството. Третиот сет повторно донесе израмнета борба, Борец се врати и го следеше резултатот до 19:19, но во клучните моменти Штип УГД беше поконцентриран, направи помалку грешки и го затвори мечот со максимални 0-3.

Најефикасен на натпреварот беше Махди Задмард со 17 поени, додека Јуниор додаде 13, а Стојан Илиев девет поени. Во редовите на Борец, Оливеира постигна 11 поени, а Бастос и Лепидовски имаа по 10.

Со оваа победа, Штип УГД поведе со 2-0 во серијата и веќе во следниот натпревар ќе има можност да ја завери титулата. Третиот дуел се игра во Штип на 24 април од 19 часот, каде домашниот тим ќе се обиде пред својата публика да го комплетира триумфот и да ги обедини трофеите на домашната сцена.



Станува јасно дека Штип УГД ќе испише нова клупска историја со освојување на шампионската титула, а тимот на Кристиан Ристески ќе ја има двојната круна.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Кошарка

Бутел со херојски „брејк“ во Штип обезбеди финале за влез во Супер лигата

Екипата на Бутел направи голем чекор кон елитата, откако со победа од 83:86 на гостувањето кај Соколи 1933 во салата „Јордан Мијалков“ во...

Прва женска фудбалска лигаФудбал

Тиверија Брера пресилна, реми на Саса и Истатов, Скопје го декласираше Кочани

Тиверија Брера ја однесе најубедливата победа во 22. коло на Првата женска фудбалска лига, совладувајќи го Топ Гол во Битола со 1:9. Теона...

Поврзани написи
Останато

Радовиш подготвен за Првомајските спортски натпревари: Богата програма за сите генерации

Општина Радовиш во соработка со Сојузот на училишен спорт на Радовиш и...

Останато

Македонските таеквон-до натпреварувачи со борбени настапи на Европското првенство во Крит

Македонската репрезентација во традиционално таеквон-до имаше низа настапи во третиот и четвртиот...

Останато

Градот под Исарот слави: Штип УГД ја освои шампионската титула и ги обедини титулите!

Одбојкарите на Штип УГД испишаа историја откако за првпат ја освоија шампионската...

Останато

Завршница на Југ Опен 2026 за тенисери и тенисерки до 14 години

На терените на тенискиот клуб Југво Скопје во тек е турнирот за тенисери и...

error: Содржина е заштитена! Се забранува копирање на истата!