Денес со мечот меѓу БВК Коњаре и Ржаничино ќе биде отворено 20. коло на Трета лига – Север, а кое коло ќе се комплетира утре со останатите средби.
Познати се и судиите кои ќе ја делат правдата на мечевите од оваа рунда.
Воведниот меч ќе го суди Никола Костенчев, а ќе му помагаат Дејан Димитријевиќ и Бобан Јовановски.
Беса Сарај ќе бара продолжува на победничката низа против Фортуна, а главен судија на овој меч ќе биде Александар Ѓорѓиевски, а ќе му помагаат Дарко Наумовски и Шенол Шаботиќ.
Студеничани ќе игра против Кадино, а ќе им суди Дејан Младеновски, а ќе му асистираат Кристијан Лазески и Александар Атанасовски.
Главен судија на мечот меѓу Пчиња и Отља ќе биде Денис Стојковиќ, а помошници ќе бидат Бојан Аврамовски и Бојан Александровски.
Куманово на домашен терен ќе игра против Башкими Љуботен, а овде главен арбитар ќе биде Валтон Маличи, додека пак Милош Алексиќ и Иљаз Рамадани ќе бидат помошници.
Беса во Слупчане ќе го пречека тимот на Лопати, Никола Петковски ќе дели правда со помошниците Станко Митровиќ и Предраг Анѓеловски.
Дербито на колото кое се игра во Горно Лисиче меѓу лидерот Еуромилк и третопласираниот Аеродром ќе го суди Марјан Младеновски, а ќе му помагаат Христијан Стојчевски и Матеј Спасевски.
