По кратката пауза, викендов започнува највозбудливиот дел од сезоната во Првата македонска кошаркарска лига – плеј-офот кој ќе донесе еден нов суперлигаш.
Четирите најдобри екипи од досегашниот тек на натпреварувањето – Струмица 2001, Борец баскет, Соколи 1933 и Бутел – влегуваат во директна пресметка за место во елитната конкуренција. Полуфиналните серии ќе се играат по систем „подобар од три“, што гарантира неизвесност и жестока борба до самиот крај.
Први на терен ќе излезат Струмица 2001 и Борец баскет, кои ќе се соочат во сабота од 17 часот во салата „Никола Карев“. Струмичани ја имаат предноста на домашен терен благодарение на подобриот учинок во регуларниот дел.
Ден подоцна, во недела од 19 часот, започнува и втората полуфинална пресметка меѓу Соколи 1933 и Бутел, која ќе се игра во Штип. Домашниот тим ќе ја има предноста на теренот, а евентуалната „мајсторка“ исто така ќе се одигра во салата „Јордан Мијалков“.
Со четири амбициозни тимови и само едно место во Суперлигата, претстојниот плеј-оф ветува возбудлива завршница и вистинска кошаркарска драма.
