Денеска покрај Охридското Езеро се очекува вистинска ракометна атмосфера, откако РК Струга од 17:30 часот во салата „Тими“ ќе го пречека составот на РК Радовиш во исклучително важен натпревар.
Повикот за масовна поддршка доаѓа токму од најверните – „Паткарите“, кои ги повикаа сите љубители на ракометот да ја наполнат салата и да помогнат во освојувањето на важните бодови.
Домашниот тим ќе има силен ветер во грб од трибините, а атмосферата се очекува да биде на високо ниво во дуел кој може да биде пресуден за текот на сезоната.
Влогот е огромен за Струга, бидејќи со евентуален триумф сигурно ќе го обезбеди местото во баражот, преку кој ќе се бори за опстанок во елитата и за следната сезона.
Иако Радовиш е последнопласиран на табелата, ваквите натпревари носат дополнителен притисок и не дозволуваат опуштање.
Сè е подготвено за ракометна битка – на теренот играчите, а на трибините „Паткарите“ кои ќе бараат победа и важни бодови за својот тим.
