Охрид запиша драматична победа на гостувањето кај Еурофарм Пелистер (27-26) во дерби натпревар кој се решаваше во последните секунди. Двете екипи имаа свои моменти на водство, но ниту една не успеа да се одвои, па така, играта гол за гол долго време при крајот на мечот, како и црвените картони само ја зголемија неизвесноста. Во финишот, стабилноста во одбраната и концентрацијата беа клучни за триумфот на охриѓани.
Веднаш по мечот, во изјава за Спортска Мрежа, еден од столбовите во одбраната на охридската Тврдина, Реј Моралес потенцираше дека токму одбраната била столбот на тимот:
„Натпреварот го започнавме во многу добра форма во одбраната. Тие многу нè казнуваа со брзи контри. Успеавме малку да го поправиме тоа и следеше многу интензивна завршница која за среќа заврши во наша корист.“- изјави Моралес за Спортска Мрежа.
Со оваа победа, Охрид останува сериозен конкурент во битката за второто место и покажува дека одбраната ќе биде нивниот најсилен адут и во следните средби.
