Џудо клубот Дрим од Струга оствари успешен настап на меѓународниот турнир „Трофеј Подгорица“, кој се одржа во Подгорица, Црна Гора.
Стружани настапија со седум натпреварувачи и се вратија со вкупно четири медали, потврдувајќи го континуираниот напредок и квалитет на клубот на меѓународна сцена.
До сребрени одличја стигнаа Дарио Стојанов и Енил Ајдиноски, додека бронзени медали освоија Мила Стојанова и Мунир Ајдиноски.
Останатите натпреварувачи – Карим Идризоски, Матеј Димитроски и Анастасија Јовческа – иако не стигнаа до пласман, прикажаа одлични борби и стекнаа значајно искуство против силна меѓународна конкуренција.
Од клубот изразија задоволство од прикажаното, истакнувајќи дека борбеноста, дисциплината и спортскиот дух на нивните џудисти се вистински показател дека тимот се движи во вистинска насока и дека ова е само најава за нови успеси во иднина.
