Екипата на Каршиака славеше убедлива победа од 0:9 над Фудбал Старс среде Кочани во рамки на 17. коло на Втората футсал лига.
Бујамин Асани беше стрелец на три гола, двапати погоди Сеад Јакупи, а по еден гол постигнаа Нехат Емини, Енис Ибраими, Неџати Шабани и Џезаир Рамадани.
Домаќинот не успеа да ја стресе мрежата на гостинот, кој со чиста мрежа и три бодови замина од Кочани.
Лидерот Железарец со убедливи 13:1 го декласираше Овче Поле во меч на два поранешни прволигаши. Мартин Калчев и Петре Далиоски постигнаа по три гола, Дејан Кајсторовски и Мирко Богески беа двојни стрелци.
По еден гол во Автокоманда постигнаа Дарко Цветковски, Драган Цветковски и Роберт Илиевски, за гостинот единствен стрелец беше Лука Наумов.
Извештајот на Спортска Мрежа за останатите натпревари е достапен овде.
На врвот на табелата е Железарец со 40 бодови, втор е СЕЕ Университи со 39 боови, трет е тимот на Каршиака со 34 бодови, а Црна Река е четврта со 30 бодови, но и меч помалку од водечката тројка.
