Екипата на Ликова игра во одлична победничка форма во Општинската фудбалска лига во Липково и цели кон влез во Третата фудбалска лига – Север за следната натпреварувачка сезона.
Тимот од село Липково победнички го отвори пролетниот дел откако со 3:1 го доби Матејче на домашен терен. Резултатот го отвори противникот за водство од 0:1 преку Ејуп Јакупи по пет минути игра, а потоа домашниот состав го сврти резултатот за водство од 2:1 на полувреме преку Зејнула Мустафи кој во 25. минута погоди за 1:1 и Јакуп Емини кој беше стрелец за 2:1.
Во вториот дел Ликова преку Шуајб Шукрија дојде и до предност од 3:1, а тоа се покажа и како конечен резултат.
Ликова сезоната ја отвори со реми против Матејче играјќи 2:2, потоа во второто коло го доби Лојане со 2:1, па следуваше победа над Влазними во Оризари со 2:3.
ГОЛЕМ ИНТЕРЕС ЗА ОХРИД КУП 2026 – ПРИЈАВИТЕ СЕ ОТВОРЕНИ ЗА НОВИОТ ДЕТСКИ ФУДБАЛСКИ СПЕКТАКЛ
Победничкиот тренд продолжи и во четвртото коло за победа над Опае од минимални 0:1, а во последното есенско коло Ликова со 2:0 го доби Ваксинце.
Како што заврши 2025 година, така продолжи и 2026 година – со нова победа од 3:1 над Матејче на домашен терен.
Екипата на Ликова е на врвот од табелата со 16 бодови, пет повеќе од Влазними од Оризари кој е втор со 11 бодови. Во однос на самата табела на третото место е Ваксинце со девет бодови, Опае е на четвртото место со шест бодови, Матејче е претпоследен со пет бодови, а на дното е Лојане со четири бодови.
