Најголемиот спортски таеквондо спектакл во Македонија ќе се одржи на 4 и 6 април во спортскиот центар „Борис Трајковски“ во Скопје. Најдобрите светски таеквондисти ќе настапат пред македонската публика, носејќи врвен квалитет и атрактивни борби, демонстрирајќи што значи да се биде на врвот на овој спорт.
Турнирот е во организација на Таеквондо клубот Бутел, Македонската таеквондо федерација и Рамус, и станува за силен турнир во олимписка класа Г1 кој носи значајни бодови за пласман на Олимписките игри, а е дел од официјалниот календар на Светската таеквондо федерација.
Домашната публика ќе има можност да го проследи во живо нашиот најдобар таеквондист, Дејан Горгиевски, кој ќе биде еден од главните адути на Македонија на овој престижен турнир. Покрај него, ќе настапат и други македонски натпреварувачи, каде што се очекуваат сериозни кандидати за медали.
Организацијата на овој настан потврдува дека македонското таеквондо не само што долго време е лидер на меѓународната сцена, туку го потврдува својот примат и во квалитетот на организацијата.
