Стојчевски главен, Ќерими четврти судија – македонска четворка ќе им суди на Португалија и Шкотска У21

Македонските фудбалски судии добија ново значајно признание на меѓународната сцена, откако ќе ја делат правдата на натпреварот меѓу Португалија и Шкотска до 21 година, во рамки на квалификациите за Европското првенство.

Главен судија на овој натпревар ќе биде Игор Стојчевски, а ќе му асистираат Гоце Петрески и Дарко Јовчевски. Улогата на четврти судија ќе ја има Бењамин Ќерими.

Станува збор за исклучително важен натпревар во групата Б, каде Португалија е лидер со 16 бодови (пет победи и едно реми), додека Чешка и Шкотска со по 11 бодови ја делат втората позиција. Токму затоа, дуелот носи голем влог и дополнителен притисок, особено за селекциите кои се борат за врвот.

Македонските судии со нивниот нов ангажман се уште една потврда за угледот и довербата која македонските арбитри ја уживаат во рамки на УЕФА. Континуираната поддршка од Фудбалската федерација на Македонија придонесува за нивниот развој и присуство на вакви значајни натпревари на европската сцена.

Натпреварот се игра утре со почеток од 20:30 часот.