По 22 одиграни кола во Втората македонска фудбалска лига, фудбалерот на Скопје, Виктор Ангелов е осамен на врвот од листата на најдобри стрелци со постигнати 16 погодоци.
Ако досега Ангелов беше во трка за најдобар стрелец со Иван Глигоров од Охрид, сега „пиратот“ доби нова конкуренција од редовите на „штофарите“.
Азис Јамини со хет-трикот против Каменица Саса изби на второто место на листата на најдобри стрелци со 14 погодоци, два помалку од Ангелов, а пак сега Иван Глигоров со Стефан Јовановски од Новаци го дели третото место на листата на најдобри стрелци со по 13 погодоци.
Сашо Дуков од екипата на Детонит Плачковица е петти најдобар стрелец со 12 постигнати погодоци.
