Фудбалската федерација на Македонија ги одреди судиите кои ќе ја делат правдата на мечевите од 22. коло на Втора лига.
Дербито на колото ќе се игра во Штип под рефлектори каде силите ќе ги одмерат Брегалница и Охрид, а правдата ќе ја дели Бењамин Ќерими. Негови помошници ќе бидат Мартин Петковски и Тоше Ицев, а четврт судија ќе биде Марјан Дејаноски.
Делегат на овој меч кој стартува во 18:30 часот ќе биде Емин Кранли, а Горан Спиркоски ќе биде контролор.
Останатите седум мечеви ќе стартуваат во дневен термин од 14:30 часот.
Дејан Младеновски ќе им суди на Тетекс и Каменица Саса, а негови асистенти ќе бидат Горан Милошевски и Иван Ивановиќ, а четврт судија ќе биде Нинослав Нанков.
Славе Ѓоргоски е делегат на мечот во Тетово, а контролор Жарко Тодоровски.
Новаци на домашен терен ќе игра со Преспа, а правда ќе дели Димитар Левски со Стефан Петрушевски и Николче Николовски како помошници, а Благојче Ралевски ќе биде четврт судија.
Ангел Ташев ќе биде делегат, а контролор е Зоранчо Илиевски.
Вардар Неготино на домашен терен ќе го пречека фаворитот Скопје, а правда ќе дели Боби Величков, со Александар Ајдаров и Андреј Ќамилов, а Ангелчо Ристов е четврт судија.
Харун Исмаили ќе биде делегат, а контролор на средбата ќе биде Зоранчо Темелков.
Кожуф на домашен терен ќе се соочи со Големо Коњари, а Спире Арсов ќе биде задолжен за правдата заедно со Кирил Манечв и Славе Станисавовски, Дарко Стојанов е четврти.
Делегат ќе биде Трајче Шопов, контролор Раско Мишкоски.
Детонит Плачковица ќе гостува во Прилеп кај Победа, а Дарко Котевски ќе биде задолжен да ја дели правдата на овој меч. Негови помошници ќе бидат Дарко Василевски и Ангела Домазетовска, а четврт судија е Владимир Ѓорѓиевски.
Делегат на мечот е Драган Иванов, а контролор ќе биде Петар Мантев.
Во Кочани ќе се соочат Осогово и Слога Виница, во минатото дерби, а денес меч каде „жетварите“ се големи фаворити. Ненад Тодоровски ќе биде на центарот во Кочани, а асистенти ќе бидат Стефан Стојаноски и Александар Николоски, а пак Борче Павловиќ ќе биде четврти.
Алберт Јакупи ќе биде делегат, а контролор ќе биде Марјан Кировски.
Дербито меѓу Шкендија Арачиново и Беласица ќе го суди Александар Грујоски, а ќе му помагаат Зоран Јанкуловски, Давор Цветаноски и Бенарт Зеќири.
Зоран Христовски на овој ќе биде делегат, а контролор ќе биде Бранко Величковски.
