Македонската репрезентација утринава во тренинг центарот „Петар Милошевски“ ги финализира подготовките во Скопје пред првиот плеј-оф натпревар против Данска за пласман на Светското првенство.
Играчот од средниот ред, Решат Рамадани, нагласи дека атмосферата во тимот е одлична и дека сите се максимално фокусирани на предизвикот што следи, со јасна цел – позитивен резултат.
„Свесни сме за значењето на овој натпревар за нас. Ја знаеме вредноста што ја има овој дуел за Македонија и затоа ќе влеземе на теренот подготвени да го дадеме максимумот. Каков и да биде исходот, тоа е составен дел од спортот, а конечниот резултат ќе биде вистински одраз на прикажаното.“
„Мотивацијата кај фудбалерите е на максимум. Подготвени сме да го дадеме најдоброто од себе во секоја минута, со висока тактичка дисциплина, а резултатот ќе биде показател за нашиот труд и залагање.“
