Големо Коњари стигна до втората сезонска радост откако денес пред верната публика славеше над Победа со 2:0, меч со кој се комплетираше 21. коло на Втора лига.
Ова беше дерби на две екипи кои веќе се испаднати во Трета лига – Југ, а воедно и локално дерби за прв позитивен пролетен резултат.
Херој на мечот беше Беким Алимоски кој со два гола ги обезбеди трите бодови за Големо Коњари.
Првиот пат погоди во 37. минута и погодокот го прослави со „СИУ“ на Кристијано Роналдо, а на стартот од вториот дел односно во 54. минута одново Алимоски ја стресе мрежата на Победа за конечни 2:0.
Големо Коњари е на дното од табелата со седум бодови, а пак Победа е на 14. место со 11 бодови на своето конто. Во следното коло Големо Коњари ќе го гостува во Гевгелија кај Кожуф, а пак Победа ќе биде домаќин на Детонит Плачковица.
