Само еден гол го реши мечот во Пржино меѓу Истатов и Речица, „истатовки“ славеа триумф од минимални 1:0, а стрелец на единствениот победнички гол беше Радица Чонева, која погоди во 47. минута од средбата.
Во мечот од 19. коло на Првата женска фудбалска лига голот на Чонева се покажа сосема доволно за Истатов да ја оправда фаворитската улога, а притоа да ја продолжи победничката низа.
Истатов сега е на третото место со 38 бодови, а пак Речица е осма со 11 бодови. Во следното коло Истатов ќе гостува кај Кочани, а Речица ќе игра дома со Тиверија Брера.
