Лото победа забележа тимот на Тиверија Брера откако на домашен терен во Струмица со фантастични 7:0 го декласираше дебитантот Вардар со што струмичанки го држат второто место во Првата женска фудбалска лига.
Повеќе од очекуван беше триумфот за Тиверија Брера која важеше за апсолутен фаворит на мечот од 19. коло на Првата женска фудбалска лига.
Резултатот го отвори Данче Карпузовска по две минути игра, а до крајот на првиот дел повратничката Билјана Панеска постигна два гол за 3:0 на полувреме.
Во вториот дел Ане Бошеска двапати ја тресеше мрежата на на гостинот од Скопје и веќе домаќинот стигна од убедлива предност од 5:0.
До крајот на мечот Розита Пецева и Теона Галабовска постигнаа погодоци за конечни 7:0.
Тиверија Брера е втора со 39 бодови, а пак Вардар делува сигурно на седмото место со 14 бодови кога е во прашање опстанокот.
