Ракометната федерација на Македонија донесе одлука завршните турнири во Купот на Македонија да се одиграат во Струмица. Одлуката беше изгласана на редовната седница на Управниот одбор, каде се разгледуваа повеќе прашања поврзани со организацијата и функционирањето на македонскиот ракомет.
Иако во јавноста како потенцијални домаќини се споменуваа Охрид и Битола, изборот падна на Струмица, каде натпреварите ќе се играат во салата „Парк“. Терминот за одигрување на Фајнал-фор турнирите е од 17 до 19 април.
Во машка конкуренција, за трофејот ќе се борат актуелниот освојувач Вардар, како и Еурофарм Пелистер, Охрид и Алкалоид, што ветува силна и неизвесна завршница.
Покрај машкиот турнир, во истиот период и на истата локација ќе се одржи и завршницата во женска конкуренција, со што Струмица ќе биде центар на македонскиот ракомет во тие денови.
