Ниту петтото коло од завршницата во Првата македонска кошаркарска лига не донесе промени на врвот, откако четирите водечки екипи забележаа убедливи победи и продолжија со израмнета трка за најдобра позиција пред плеј-офот.
Во дербито на колото, Струмица 2001 го скрши отпорот на Вардар во последната четвртина и славеше со 84:66. Херој на домашните беше Пандев со неверојатни 43 поени, додека Александровски додаде 20. Кај Вардар, Терзиевски беше најефикасен со 19 поени.
Борец Баскет одигра доминантен натпревар против Водно Санс (112:65), при што дури шест кошаркари беа двоцифрени. Трпески предводеше со 26 поени, додека Јанг и Коцевски дадоа значаен придонес.
Бутел продолжи со ефикасните партии и го совлада Мега Баскет со 101:77. Атанасов постигна 26 поени, а поддршка доби од Хот и Киров. Оваа победа го задржува Бутел на врвот според кош-разликата.
Сигурен беше и тимот на Соколи 1933, кој го надигра Охрид со 99:70. Нацевски, Хамилтон и Караколев беа клучни во новиот триумф за штипјани.
Во плеј-аут конкуренцијата, Младинец обезбеди опстанок со победата над Овче Поле (107:99), предводен од Шуменковски со 35 поени. Тетекс ТТК ја продолжи победничката серија совладувајќи го Спортисимо (82:61), додека Црн Дрим убедливо ја доби пресметката со Струмица Ролинг (94:67).
Следното коло носи нови возбудувања, особено дербито меѓу Вардар и Бутел, кое може да влијае врз конечниот пласман пред разигрувањето.
ПЛЕЈ-ОФ (ТОП 8) – ТАБЕЛА
-
Бутел – 11 8 3 1038:860 19
-
Соколи 1933 – 11 8 3 935:761 19
-
Струмица 2001 – 11 8 3 893:777 19
-
Борец Баскет – 11 8 3 935:882 19
-
Мега Баскет – 11 4 7 945:990 15
-
Вардар – 11 4 7 883:998 15
-
Водно Санс – 11 2 9 888:1057 13
-
Охрид – 11 2 9 744:936 13
ПЛЕЈ-АУТ – ТАБЕЛА
-
Тетекс ТТК – 9 8 1 738:596 17
-
Црн Дрим – 9 6 3 778:676 15
-
Овче Поле – 9 5 4 795:714 14
-
Младинец – 9 3 6 729:814 12
-
Струмица Ролинг – 9 3 6 640:740 12
-
Спортисимо – 9 2 7 637:777 11
