Топ Гол сега е „фенерџија“, Кочани во најлоша ситуација би имал бараж за опстанок во ПЖФЛ!

Битката за опстанок во Првата женска фудбалска лига продолжува меѓу Топ Гол и Кочани, со тоа што сега има промена на дното. Како што веќе објави Спортска Мрежа, откако тимот на Кочани загуби во Битола од Топ Гол со 2:1 во рамки на 18. коло, гостинот поднесе жалба која беше прифатена и мечот го доби со службени 0:3.

Тоа направи да Кочани избие на претпоследното место кое води кон баражот за опстанок со седум бодови, а пак Топ Гол е на дното со четири бодови.

Пред почетокот на третиот круг Кочани ќе треба да го добие Топ Гол и во такви околности речиси и сигурно ќе игра бараж, а притоа доколку успеа да ја добие Речица, но да „откачи“ бодови и од фаворитите тогаш повратникот во елитата би можел и до директен опстанок, но тоа ќе биде потешко.

За Топ Гол покрај триумф над Кочани во трениот круг ќе треба да собира бодови и од искусните екипи, но тимот од Битола нема капацитет за тоа, па на тој начин Топ Гол е најзрен кандидат да биде последен и да испадне во Втора лига, откако пред две сезони во Велес играше бараж за опстанок, кога убедливо го доби Вардар, кој тогаш беше второлигаш.

Но, по две сезони околностите се променија – Топ Гол мака мачи да ја спаси сезоната, а Вардар како дебитнатот во Прва лига е сигурен на седмата позиција со 14 бодови и сигурен опстанок во елитата.

Комбинации има многу и изненадувачки резултати имало и ќе има, а ќе видиме на крај кој ќе испадне, кој ќе игра бараж и дали ќе се спаси.

• ЦЕЛА ТАБЕЛА НА ПЖФЛ: