Со седум натпревари в сабота ќе се отвори 21. коло на Втората македонска фудбалска лига, а ќе се затвори в недела со еден натпревар.
Познати се судиите кои ќе ја делат правдата на мечевите кои ќе стартуваат од 14:30 часот.
Натпреварот во Струмица меѓу Беласица и Тетекс ќе го суди Крумислав Ѓоргиев, а ќе му помагаат Александар Гигов и Зоран Саздовски, а пак Здравко Костовски ќе биде четврт судија.
Делегат на средбата во Струмица ќе биде Цане Будимов, а пак контролор ќе биде Злате Лозаноски.
Во Виница главен судија ќе биде Александар Урошевиќ кој ќе им суди на Слога и Шкендија Арачиново, помошници ќе бидат Куштрим Лика и Мартин Дејаноски, а пак Ненад Тодоровски ќе биде четврт судија.
Делегат на средбата ќе биде Деан Марковски, а контролор Никола Божиновски.
Во Радовиш главен арбитар ќе биде Ивана Пројковска, која ќе им суди на Детонит Плачковица и Осогово, асистенти ќе бидат Иван Ивановиќ и Бесар Абудли, а пак Дејан Младеновски ќе биде четврт судија.
Делегат ќе биде Алајдин Асани, а пак Ѓорги Карајанов ќе биде контролор на оваа средба.
Ндерим Тефику ќе го суди мечот меѓу Скопје и Кожуф на „Железарница“ во Автокоманда, негови помошници ќе бидат Станко Митровиќ и Александар Ајдаров, а четврт судија ќе биде Никола Петковски.
За делегат на овој меч е делегиран Зоран Перески, а контролор ќе биде Марјан Ецкоски.
На „Билјанини Извори“ ќе играат Охрид и Вардар Неготино, а правда ќе дели Бардхиљ Ибраими со помошниците Хабиљ Љиворека и Метин Османи, а пак Димитар Левески ќе биде четврт судија.
Зоран Гелов е одреден за делегат, а за контролор Драган Ристовски.
Доне Ристовски ќе патува во Ресен каде ќе им суди на Преспа и Брегалница, а ќе му асистираат Петар Степановски и Јовче Кокевски, а четврт судија ќе биде Блаже Петковски.
Цветко Костовски е делегат на овој меч, а контролор е Љубе Ристевски.
Јордан Јовановски ќе биде главен судија на натпреварот меѓу Каменица и Новаци, а покрај аут-линиите ќе бидат Иван Танев и Стефан Митров, а Спире Арсов ќе биде четврт судија.
Митко Бојаџиев е делегат на оваа средба која се игра во Македонска Каменица, а контролор е Орце Стефановски.
Колото се затвара в недела со мечот меѓу Големо Коњари и Победа, а таму Ангелчо Ристов ќе дели правда, а ќе му помагаат Ване Данилов и Зоран Ангелов, а Дарко Котевски ќе биде четврт судија.
Тони Петков ќе биде делегат, а контролор ќе биде Душко Милошески.
