Натпреварот од 18. коло на Првата женска фудбалска лига кој се одигра во Битола меѓу Топ Гол и Кочани, а заврши со триумф за домашниот тим од 2:1 имаше „трето полувреме“ кое му припадна на гостинскиот тим, откако мечот го доби со службени 0:3.
Според информации до кои дојде редакцијата на Спортска Мрежа, екипата на Кочани поднела жалба бидејќи домашниот тим играл со фудбалерка која не била истата според фудбалската легитимација, а тоа е причината и да се донесе одлука од страна на комисијата за женски фудбал за службена победа на Кочани од 0:3.
Со ова сега Кочани е деветти со 7 бодови, а пак Топ Гол сега е последен со четири бодови.
