Лидерот Жезаларец го совлада незгодниот Кратово, со што успеа да ги освои трите бодови, откако го доби со 3:2 на домашен терен, во рамки на 13. коло на Втората футсал лига.
Поранешниот шампион на Македонија кој сака експресно враќање во Прва лига, преку Роберт Илиевски во 11. минута го отвори резултатот за водство од 1:0, а во 17. минута гостинот израмни на 1:1 преку Давид Стојановски.
Во вториот дел Петре Даиловски постигна гол за ново водство на Железарец во 24. минута (2:1). На пет минути пред крајот на мечот Мартин Калчев постигна гол за 3:1. Сепак, во самиот финиш гостинот собра сили само за ублажување на поразот на конечни 3:2 преку гол на Бобан Начковски.
Минимален пораз за Овче Поле, откако поранешниот прволигаш загуби на домашен терен со резултат од 1:2 од екипата на ССК Скопје.
Стрелец на двата гола за гостинскиот тим кој му донесоа три бода беше Несим Сулејман, за домаќинот единствен стрелец беше Икица Јованов.
Ланскиот прволигаш Црна Река на домашен терен со 7:3 го декласираше тимот на Конзули од Битола. Тони Гацев и Стојан Петковски беа двојни стрелци за кавадаречкиот тим,а по еден гол постигнаа Антонио Јанев и Димитар Чоков, додека пак Арион Сулемановски си постигна автогол.
Но, автогол имаше и на спротивната страна, Дарко Темелков ја погоди сопствената мрежа, а пак Виктор Гелевски двоен стрелец за тимот од Битола.
Колото беше отворено со победите на Партизан Југ и СЕЕ Университи, извештајот на Спортска Мрежа за овие два меча е достапен овде.
