По добивањето на новите спортски трибини на Градскиот стадион во Крива Паланка со капацитет од 1050 седишта, градоначалникот на општината, Сашко Митовски рече дека следен чекор ќе биде враќање на големиот фудбал.
Како што истакна Митовски, трибините се создадени за нови аплаузи, за навивање и за нови спортски успеси и јасна намера – да се врати големиот фудбал во Крива Паланка.
„Во секој град постојат места каде што се раѓаат соништата. Во Крива Паланка отсекогаш тоа бил фудбалскиот терен. Денес, спортскиот комплекс во Крива Паланка добива нова енергија со новоизградени трибини. Трибини создадени за нови аплаузи, за навивање и за нови спортски успеси и јасна намера – да го вратиме големиот фудбал во Крива Паланка, која повторно ќе живее за големиот фудбал“, рече градоначалникот на општина Крива Паланка, Сашко Митовски.
