Ракометарите на Охрид лесно и експресно го заверија билетот за завршниот турнир од Купот на Македонија, откако во финалето н групата В со убедливи 35:15 го декласираа Куманово.
Повеќе од јасно беше дека Охрид без конкуренција лесно ќе ги добие двата натпревари и со тоа лесно ќе обезбеди место на Ф4 во Купот.
Охриѓани беа домаќини во групата В каде во првиот меч екипата на Охрид славеше со убедливи 42:25 над Тиквеш, а пак во вториот меч тимот на Куманово со 29:25 славеше над Младост. Во финалниот меч Охрид само на рутина го доби Куманово.
Во однос на финалниот меч од групата В екипата на Охрид на полувреме имаше 16:8, а самиот меч беше како тренинг натпревар.
Кај Охрид со шест гола прво име беше Никола Ристески, додека пак кај гостите шест гола имаше Александар Стојков.
Место на Ф4 покрај Охрид претходно обезбедија Вардар, Еурофарм Пелистер и Алкалоид.
