По 18 одиграни кола во Втората македонска фудбалска лига, продолжува неизвесноста за тоа кој да биде најдобар стрелец.
На врвот се двајца фудбалери со по 13 погодоци – Иван Глигоров од Охрид и Виктор Ангелов од екипата на Скопје.
Фудбалерот на Новаци, Стефан Јовановски постигна 12 гола, а со по 11 гола се Сашо Дуков од Детонит Плачковица и Андреј Симевски од екипата на Каменица Саса.
Но, Симевски ќе застане на овие 11 гола, бидејќи ја напушти екипата од Македонска Каменица и се одлучи за странски предизвик.
Бојан Спиркоски постигна десет погодоци за Беласица, сите во есенскиот дел и ќе застане на оваа бројка, бидејќи ја напушти Беласица и ВМФЛ.
По девет погодоци, а по 18 кола се Азис Јамини од Тетекс и Тони Мичковски од Детонит Плачковица, со тоа што треба да се истакна дека Мичковски дел од погодоците ги постигна за Каменица Саса во есенскиот дел, од каде се врати во радовишкиот второлигаш.
Антонио Каланоски од Охрид и Фикрет Љиварека имаат по осум гола, а со по шест гола се Армир Иса од Скопје, Веби Ислами (Кожуф), Аљбан Мемеди (Кожуф / Брегалница), Александар Милушев (Беласица) и Даријан Тасев (Брегалница).
