Листата на „отпишани“ второлигаши се зголемува!

Листата на „отпишани“ второлигаши се зголемува, ако две екипи беа отпишани и математички за неколку кола ќе бидат третолигаши, истата сега се зголемува со неколку третолигаши кои веќе теоретски остануваат без шанса за директен опстанок, имаат надеж само за бараж, но и тоа ќе биде тешко.

Големо Коњари и Слога Виница со епизодна улога од следна сезона ќе се преселат во Трета лига, двете екипи беа инфериорни и без посериозен пристап да се борат за опстанок во второлигашката конкуренција. Веќе Победа станува „отпишана“, од меч во меч прилепчани со „скрпениот“ тим нижат големи порази и сега се на 14. место со 11 бодови на дури минус 22 бода од зоната за директен опстанок, а на минус десет од бараж зоната. Но, Победа загуби од Македонска Каменица тим кој е конкурент за баражот што се потврдува дека Победа нема капацитет да води битка да фати бараж.

На тенок конец висат Вардар Неготино и Преспа, особено тимот од Неготино. Двете екипи со по 12 бодови го делат 12-тото место. Вардар Неготино тргна катастрофално со три порази од толку меча, а пак Преспа забележа една пролетна победа и тоа дава надеж. Ако се погледнат ростерите на овие две екипи, тогаш второлигашот од Ресен е подобар и поискусен.

Двете екипи имаат минус девет бода од бараж зоната односно од десеттото место кое го делат Каменица Саса и Тетекс со по 21 бод, а пак од Кожуф кој е деветти бодовната разлика е 14 бодови.

Преспа веќе овој викенд ќе има вистински тест на домашен терен против Кожуф, а пак Вардар Неготино ќе биде на тест против Каменица Саса во гости. Ако Преспа и Вардар Неготино не забележат позитивни резултати извесно е дека овие две екипи ќе направат чекор назад и пополека ќе се помират со фактот дека ќе испаѓаат, со победи ќе имаат и тек како голема надеж за бараж за опстанок.