Кој доби, а кој загуби во 18. коло на Втора лига?

Ако се погледне табелата во Втората лига тогаш едно е сигурно – ќе има „пеколна“ пролет за тоа кој директно да влезе во Прва лига, а кои две екипи да играат бараж за можен влез во елитата. Вонредното 18. коло можеби не донесе многу промени на табелата од аспект да промени на позициите на екипите, но направи да екипите се многу блиски бодовна една од друга, што значи дека веќе во сабота во рамки на 19. коло, еден „кикс“ на било кој во топ осум зоната може да го однесе на врвот, но може и да го спушти на самата табела.

Скопје доби најмногу од последното одиграно коло, „пиратите“ од Автокоманда славеа над Шкендија Арачиново во директна дерби пресметка и се искачија на 4. место со 38 бодови, само два бода помалку од лидерот Охрид, кој пак загуби од Осогово и со тоа растат апетитите на „жетварите“ за висок пласман.

Брегалница ништо не искористи, одигра 0:0 против Тетекс и падна на четвртото место со 37 бодови, ако е за утеха, штипјани не загубија, бидејќи, па така можеа да бидат и петти на табелата.

Новаци и Детонит Плачковица имаат фантастичен старт во пролетниот дел и сега имаат амбиции за бараж за Прва лига. Новаци е на дури четири бода негатива од Охрид, а Детонит Плачковица минус пет, па сега ќе биде вистинска „војна“ на секој меч.

Беласица успеа да го добие „фенерџијата“ Големо Коњари за да ги заборави поразите, па сега е седма, а пак Осогово кој е осми има 33 бодови со седум негатива од првото место, а со пет негатива од третото место или бараж зоната за ПМФЛ, па сега и „жетварите“ се во игра за горниот дел.

Во топ осум зоната има само една промена која се случи во однос меѓу 17-тото и 18-тото коло, Скопје ја скокна Брегалница и сега е трет, а „сините“ сега се четврти.

Во бараж зоната нема промени – Кожуф е деветти со 26 бодови, Каменица Саса е десетта со 21 бод, колку што има и Тетекс кој е место подолу. „Рударите“ имаа можност за три бода во Гевгелија каде двапати водеа против Кожуф, па домаќинот во два наврати се спасуваше од пораз.

Во зоната за директно испаѓање има една промена – Преспа сега се искачи на 12. место со 12 бодови, колку што им и Вардар Неготино, кој сега е место подолу. Победа е на 14. место со 11 бодови, а пак на претпоследното место е Слога од Виница со осум бодови, на дното е Големо Коњари со четири бодови.

За разлика од битката за влез во Прва лига, во долните дел веќе многу работи се јасни.