Како што ексклузивно објави Спортска Мрежа пред неколку дена, Рудар не допатува во Турново за да го одигра мечот од 11. коло на Трета лига – Исток против Хоризонт.
Овој меч беше од последното есенско коло кое беше договорено да се одигра изминатиот викенд односно пред стартот на пролетниот дел.
Тимот од Пробиштип испратил известување до раководството на Трета лига – Исток дека нема да допатува, а со тоа натпреварот е регистриран со службени 3:0 за Хоризонт Турново, а со тоа некогашниот прволигаш добива и службени три бодови.
Останува да видиме дали ќе има и некакви дополнителни санкции за третолигашот од Пробиштип, а останува отворено и прашањето како Рудар ќе изгледа бидејќи многу работи не се познати, околу играчи кадар и слично, бидејќи немаше ниту официјални информации околу зимските подготовки и пријателски натпревари.
Овој викенд ќе започне пролетниот дел од Трета лига – Исток со натпреварите од 12. коло.
