Утре на програмата ќе бидат два натпревари од 21. коло на Првата македонска фудбалска лига и веќе се познати судиите за овие два меча.
Во Гостивар ќе се соочат Арсими и Тиквеш, а за правдата ќе биде задолжен Александар Грујоски, а ќе му помагаат Александар Ѓорѓеки и Имран Абази, четврт судија ќе биде Марјан Стојановски.
Во ВАР собата ќе бидат Пларент Салихи и Дарко Видиниќ, оператор за повторување на снимка ќе биде Растко Ѓурѓевиќ. Делегат на натпреварот ќе биде Благојче Ангелевски, а контролор Бранко Манојлоски.
Македонија ЃП на домашен терен ќе се соочи со Работнички, а скопската пресметка ќе ја суди Благојче Ралевски, додека пак негови помошници ќе бидат Владимир Митревски и Николче Дрнковски, а пак четврт судија ќе биде Димитар Пилешков.
Во ВАР собата ќе бидат Доне Ристовски и Тоше Ицев, а оператор за повторување на снимка ќе биде Жарко Пејковски. Делегат на мечот ќе биде Кочо Зердески, а пак Игор Ширилов ќе биде контролор.
Натпреварите стартуваат во 14 часот.
