Брегалница одигра 0:0 на денешниот меч со Тетекс во Тетово во меч од 18. коло на Втората лига, па со тоа се спушти на четвртото место на табелата.
По натпреварот штипјани излегоа со соопштение и со видеа со кои како што тврдат биле оштетени од страна на судиите.
- ЦЕЛОСНОТО СООПШТЕНИЕ НА БРЕГАЛНИЦА И ВИДЕАТА ОД СПОРНИ МОМЕНТИ СПОРЕД ТВРДЕЊАТА НА КЛУБОТ:
„ФК БРЕГАЛНИЦА ДЕНЕС Е ДРАСТИЧНО ОШТЕТЕНА!
Во текот на првенството досега никогаш јавно се немаме пожалено на ниту една одлука, но денес судијата Боби Величков имаше една цел – по секоја цена Брегалница да не си оди од Тетово со победа.
1) Во 10′ при прием на топка од страна на Аљбан Мемеди и потенцијална шанса за Брегалница, судијата суди фаул за домаќините.
2) Во 68′ при пробив на Стефан Коцев, нашиот играч грубо е повлечен за дрес, навидум чист жолт картон. Судијата не досуди ниту фаул за Брегалница.
3) Во 85′ чист пенал над Стефан Коцев (видео). Судијата Величков повторно остана нем!
4) На мечот имаше 10 измени во второто полувреме и 8-10минутен прекин при повреда на Виктор Серафимовски, каде што амбулантното возило мораше да влезе на терен. Судијата Величков го продолжи мечот со САМО 5 МИНУТИ!
!!! Натпреварот се играше со 1 (една) топка, при секој прекин, времето одминуваше, а часовникот на Величков уште побргу вртеше!!!
Натпреварот иако заврши 0:0, сепак на крај имаше победник, тоа беше главниот судија Боби Величков“, се вели во соопштението на ФК Брегалница од Штип.
