ТАБЕЛА: Охрид е лидер во Втора лига, Скопје прави голем скок, Беласица заврши на седмо место!

По две одиграни кола во пролетниот дел во Втората лига, се случија промени на табелата кои многу работи веќе ќе дефинираат околу целите на клубовите.

Охрид и натаму останува лидер на табелата со 40 бодови, Шкендија Арачиново и натаму е втора со 39 бодови, а нивното меѓусебно реми без погодоци (0:0) на „Билјанини Извори“ го искористи Брегалница која иако останува трета со 36 бодови, дојде на минус четири од „рибарите“ кои се водечки на табелата.

Скопје продолжува да го напаѓа првото место и сега има минус пет од Охрид, а минус четири од втората позиција, додека пак само бод помалку од третото место или бараж зоната за Прва лига.

Новаци продолжува да прави напредок на табелата и дојде на петтото место со 32 бодови и сериозно ја напаѓа бараж зоната, како и Детонит Плачковица кој со 32 бодови е шести.

Беласица откако во пролетниот дел нанижа два порази во низа од Беласица и Скопје заврши на седмото место со 31 бод и со тоа има дури девет помалку од првото место кое директно води кон Прва лига, а пак пет помалку од бараж зоната. Екипата на Осогово ја задржа осмата позиција која ја имаше уште од есенскиот дел со 30 бодови.

Во бараж зоната нема промени – Кожуф деветти со 25 бодови, а со по 20 бодови Каменица Саса и Тетекс го делат десеттото место.

Без промени и во зоната за директно испаѓање – Вардар Неготино е 12-ти со 12 бодови, Победа е на 13-то место со бод помалку, Преспа е на 14. место со девет бодови, Слога Виница сега има осум бодови и натаму е претпоследна, а на дното е Големо Коњари со четири бодови.

Овие пет екипи веќе се „отпишани“ и се спремаат за испаѓање во Трета лига.