Голем успех и уште една причина за гордост за радовишкиот кикбокс маитаи клуб Комбат, чии натпреварувачи блеснаа на Државното првенство во кикбокс што денес се одржа во Скопје.
Со бронзени медали се закитија и Стефан Ефтимов, кој заврши трет во Лоу Кик до 81 килограм, како и младиот Трајче Василев во дисциплината Кик Лајт до 30 килограми.
Посебно внимание привлекуваат настапите на младите Трајче Василев Стефан Ефтимов, на кои ова им беше прво учество на Државно првенство. Како што веќе објави Спортска Мрежа, деветгодишниот Трајче Василев три години тренира во клубот, каде тренер е Мите Ашкилов. И покрај младоста, Трајче покажа храброст и талент, освојувајќи бронзен медал и најавувајќи светла иднина.
Одличен настап имаше и Александар Ивановски, кој прикажа квалитетна и борбена изведба. Иако овојпат не успеа да избори пласман во четвртфиналето, неговиот напредок и посветеност ветуваат дека неговото време допрва доаѓа.
Клубот Комбат зад себе има 17-годишна традиција и богата историја со настапи на европски и светски првенства, како и на европски и светски купови, од каде радовишките кикбоксери се враќале со бројни медали. Новите успеси од државната сцена се само уште една потврда за континуитетот во квалитетната работа и посветеноста на тренерскиот тим.
„Еден тим, едно срце – Combat!“ – порачуваат од клубот, горди на секој свој борец и мотивирани за нови предизвици и победи.
