Во изминатите два циклуси македонската кошаркарска репрезентација го имаше Џејкоб Вајли како „заштитник на рекетот“. Сега, за улогата на клучен играч под кошот, тимот ќе смета на Етан Хап, кој поради повреди не можеше да го продолжи континуитетот на добри настапи за Македонија.
Овој февруарски ФИБА „прозорец“ му отвора нова можност на Американецот, кој моментно настапува во шпанскиот АЦБ лигаш Бургос.
„Прекрасно е да се вратам и да бидам дел од репрезентацијата. Сеуште има некои од соиграчите од претходниот пат, па затоа сум среќен што сум заедно со тие момци. Новите соиграчи се многу пријателски расположени кон мене. Сметам дека имаме навистина добри таленти во тимот“, вели Хап пред натпреварот против Луксембург.
Нашиот противник, слично како Македонија, има запишано две стартни победи против Азербејџан и Ирска. Со долгогодишно искуство во најсилната шпанска лига и во Европа, Хап добро ги познава методите на новиот селектор, Жозеп Мариа Берокал.
„Очигледно, тренерот е нов, и тој е шпански тренер. Знам за него и тој знае за мене. Досега имплементираше неколку добри стратегии за играта. Кога станува збор за Луксембург и Азербејџан, тренерот најдобро знае што треба, а ние треба само да се грижиме и следиме неговите упатства. Сега е многу поважно да се подобриме, да се фокусираме на нашиот стил на игра и да дадеме 100% од себе“, заклучува Хап.
