По комплетирање на десеттото коло или првата пролетна рунда го имаме и конечниот изглед на табелата во Првата футсал лига. Непоразениот лидер Проект останува перфектен со учинок десет од десет и максимални 30 бодови на своето конто. Некогашниот шампионот од Јосифово има плус шест во однос на Кеги Моби кој е втор со 24 бодови и како и што најавувавме претходно, шампионската титула речиси сигурно патува кон Јосифово.
Шампионот Форца сега е на третата позиција со 21 бод, а тоа му отвара простор на Бутел да го напаѓа третото место на табелата бидејќи тимот е значително засилен и ќе има амбиција за сезоната да ја заврши што повисоко на табелата, а пак на Јувентус Серава е сигурен на петтото место со 15 бодови.
Клими го чува и натаму шестото место со 12 бодови, а веќе екипите од тимот од Кавадарци ги очекува неизвесна борба за опстанок. Осогово е седми со девет бодови, а толку има и Балкан кој е осми, додека пак во зоната за директно испаѓање во Втора лига е Шкупи како претпоследен со седум бодови и Мал Ајакс кој е на дното со шест бодови.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ Проект | 10 | 10 | 0 | 0 | 94 | 19 | +75 | 30 |
| 2 | КМФ Кеги-Моби Велес | 10 | 8 | 0 | 2 | 44 | 25 | +19 | 24 |
| 3 | КМФ Форца 2015 | 10 | 7 | 0 | 3 | 78 | 45 | +33 | 21 |
| 4 | КМФ Бутел 2022 | 10 | 5 | 1 | 4 | 35 | 42 | -7 | 16 |
| 5 | КМФ Јувентус Серава | 10 | 5 | 0 | 5 | 49 | 55 | -6 | 15 |
| 6 | КМФ Клими Кавадарци | 10 | 4 | 0 | 6 | 32 | 37 | -5 | 12 |
| 7 | КМФ Осогово 2022 Крива Паланка | 10 | 3 | 0 | 7 | 46 | 81 | -35 | 9 |
| 8 | ФК Балкан 2017 / КМФ | 10 | 3 | 0 | 7 | 60 | 95 | -35 | 9 |
| 9 | КМФ Шкупи 1927 ДОО | 10 | 2 | 1 | 7 | 36 | 57 | -21 | 7 |
| 10 | КМФ Мал Ајакс | 10 | 2 | 0 | 8 | 43 | 61 | -18 | 6 |
