Утре се играат натпреварите од вонредното 16. коло на Првата женска фудбалска лига, а веќе се познати и судиите кои ќе ја делат правдата мечевите.
Дербито ќе се игра во Струмица каде Тиверија Брера ќе игра против шампионот Љуботен на теренот со вештачка трева со почеток од 13 часот. Главен судија на овој меч ќе биде Доне Ристовски, а негови помошници ќе бидат Иван Танев и Стефан Митров, а пак контролор ќе биде Ѓорги Карајанов.
Речица на домашен терен ќе бара рехабилитација после големиот пораз во претходното коло од Љуботен против Ас Јунајтед, а струшкиот тим доаѓа како фаворит за трите бодови. Правдата на овој меч кој стартува во 14 часот ќе ја дели Ирена Велевачкоска, а нејзини помошнички ќе бидат Ангела Домазетовска и Радмила Неркова. Контролор на средбата ќе биде Бранко Величковски.
Лидерот Скопје на домашен терен ќе го пречека Вардар, домаќинот е фаворит, а правда ќе дели Борче Павловиќ, а ќе му асистираат Елена Соклевска Илиевски и Зоран Саздовски. Никола Божиновски ќе биде контролор на средбата која се игра во Пржино, а започнува во 14 часот.
Истатов како фаворит ќе гостува во Битола кај Топ Гол, а Димитар Левески ќе дели правда на овој меч, додека пак негови помошници ќе бидат Марио Мојсоски и Стефан Петрушевски, а Петре Илиоски ќе биде контролор на средбата која стартува во 13:30 часот.
Кочани на домашен терен ќе игра со фаворитот Каменица Саса, а главен судија на овој меч ќе биде Ангелчо Ристов, а негови помошници ќе бидат Ване Дупкаров и Ване Данилов. За контролор е одреден Марјан Кировски, а средбата ќе започне во 11:30 часот.
