Утре стартува пролетната полусезона во Првата женска фудбалска лига со натпреварите од 15. коло, а кое носи и дерби пресметки.
Познати се и судиите кои ги делегираше Фудбалската федерација на Македонија, а кои ќе бидат задолжени да делат правда на петте натпревари.
Дербито во Македонска Каменица каде ќе се соочат Каменица Саса и Тиверија Брера ќе го суди Никола Петковски, а негови помошници ќе бидат Станко Митровиќ и Александар Ѓурковски. Контролор на средбата ќе биде Орце Стефановски.
Три дами ќе ја делат правдата на мечот во Пржино каде ќе играат Истатов и Кочани. Ирена Велевачкоска ќе биде главен судија, нејзини помошнички ќе бидат Ангела Домазетовска и Радмила Неркова. Контролор на средбата ќе биде Драган Ристовски.
Ндерим Тефику ќе ја дели правдата на средбата меѓу Вардар и Топ Гол, а ќе му асистираат Елена Илиески Соклевска и Тамара Цветановиќ, а контролор ќе биде Дејан Неделкоски.
Дербито меѓу Ас Јунајтед и лидерот Скопје го доби Вјолца Изеири, а помошници ќе бидат Цветанка Савеска и Александар Ѓорѓески. Контролор на средбата ќе биде Марјан Ецкоски.
Шампионот Љуботен како апсолутен фаворит ќе игра против Речица, а правда на овој меч ќе дели Марјан Дејаноски, а пак ќе му помагаат Филип Ицковски и Мартин Дејаноски. Контролор на средбата ќе биде Џенан Хајдари.
