Општина Охрид уште еднаш потврди дека останува цврст партнер на спортот, издвојувајќи значителни финансиски средства за развој на фудбалот. Со вкупна поддршка распределена на повеќе клубови, локалната самоуправа инвестира во младите генерации, спортската култура и иднината на охридскиот фудбал.
Најголем дел од средствата, 12.000.000 денари, се наменети за ГФК Охрид Лихнидос, кој зад себе има одлична полусезона. Охридскиот второлигаш е есенски шампион во Втората лига и јасно ги насочува амбициите кон пласман во Првата лига, што дополнително ја оправдува силната институционална поддршка.
Покрај водечкиот клуб, финансиска помош добиваат и останатите фудбалски колективи од општината. Третолигашот ФК Света Троица 2021 доби 230.000 денари, екипи кои се натпреваруваат во Општинската лига добија по 65.000 денари тоа се ФК Чардак Велгошти, ФК Куршум Лакочереј, ФК Кибо Пласт Сити Палас, ФК Вулкан од Косел, ФК Лескоец 999, ФК Рудар од Куратица и ГФК Пирамида.
Поддршка има и за женскиот фудбал ЖФК Билјанини Извори доби 110.000 денари, а пак фудбалските академии во градот исто така имаат силна поддршка:
- ФК ОСК Фер Плеј – Охрид – 120.000 денари
ФК Некст Левел – 120.000 денари
ФК Академија – 90.000 денари
ФК Ла Масиа – 90.000 денари
ФК Евро Фудбал 2 Вардар – 90.000 денари
Општина Охрид останува верен поддржувач на фудбалот во општината. Резултатите на теренот веќе го потврдуваат ефектот од ваквата поддршка. Со лидерската позиција на ГФК Охрид Лихнидос и високото ниво на организација кај останатите клубови, охридскиот фудбал се наоѓа во подем и со реални изгледи за уште поголеми успеси во периодот што следува.
