Ланскиот финалист Осогово лесно стигна до четвртфинале во футсал Купот на Македонија откако со 6:2 го доби Железарец во Крива Паланка, а со тоа Осогово е последниот патник во четвртфиналето.
Во првиот дел од мечот резултатот беше 3:0 и веќе беше јасно дека некогашниот шампион на Македонија, екипата на Железарец ќе нема сили за изненадување во вториот дел, па домаќинот само ја потврди победата и ја оправда фаворитската улога.
Никола Спасовски беше двоен стрелец за Осогово, а по еднаш погодија Кристијан Станојковски, Михаил Павловски, Кристијан Ристовски и Кристијан Ивановски.
За екипата на Железарец во вториот дел стрелци на погодоците беа Златко Јошевски и Роберт Илиевски.
Претходно, како што веќе објави Спортска Мрежа во четвртфиналето од футсал Купот на Македонија се пласираа покрај Осогово, бранителот на Куп титулата Форца, потоа Проект, Балкан, Клими, Бутел, Кеги Моби и Јувентус Серава.
