Гоце Седлоски по вторпат седна на тренерското столче на Вардар и тргна победнички, откако денес најтрофејниот македонски фудбалски клуб славеше со 3:2 во скопската пресметка над Шкупи, со што Седлоски успеа да го врати Вардар на победничките патеки, победа која се одчекуваше долго.
Вардар и натаму е во опасната зона, но сега има ист број на бодови како и Воска Спорт која е во бараж зоната, а пак Шкупи е во златната средина со 16 бодови, но со три порази во низа.
Канда донесе водство за Шкупи од 0:1, а пак Вардар преку Закариќ и Николоски дојде до 2:1 на полувреме. Во вториот дел Ибиши израмни на 2:2, а пак Мицевски постигна гол за голема победа на Вардар од 3:2.
Тиквеш никако да погоди и гол да постигне, денес нова „нула“ против Беса, реми на мечот во Кавадарци (0:0).
Дарко Додев донесе победа за Силекс од 1:0 над Пелистер, а пак шампионот Струга Трим Лум со голот на Кехинде славеше над Работнички, со што „романтичарите“ го запишаа првиот пораз и повеќе не се на врвот во Првата лига.
Убедлива победа запиша Гостивар откако на домашен терен со 4:0 беше пресилен за Воска Спорт. Во првото полуреме погодоци на „Борис Трајковски“ во Маџари немаше, а во вториот дел паднаа четири гола.
Џало го отвори резултатот за 1:0, потоа Диатта постигна гол за 2:0, а два брзи гола во финишот даде Симоновски.
Голеада во Тетово каде беа постигна седум погодоци за победа на Шкендија од 4:3 над Брера Струмица. Шала и Рамадани погодија за 2:0, а во финишот на првиот дел Ристовски даде гол за 2:1. На стартот од вториот дел Ивковиќ даде гол за 2:2, но брзо веќе во 53. минута Адеми стрелаше за 3:2, а пак Крстевски за 4:2. Во 76. минута од натпреварот Ивковиќ со втор гол ги постави конечните 4:3.
ЦЕЛА ТАБЕЛА ОД ПРВА ЛИГА:
