На едно коло пред крајот на регуларниот дел од Супер лигата, Тиквеш обезбеди место во плеј-офот каде се разигрува за титула и излез во Европа, откако вечерва во „Јасмин“ славеа над Куманово со резултат од 33:26.
Пред верната публика во Кавадарци и верните „лозари“ Тиквеш одлично го отвори натпреварот и имаше предност од два до три погодоци, кога при 10:6 успеа да се одлепи и на плус пет, а на полувреме резултатот беше 15:11 и плус четири.
Во вториот дел на рутина Тиквеш ја чуваше резултатската предност која ја градеше во првиот дел и не му дозволуваше на Куманово ниту на момент да дојде до било каква надеж за пресврт.
Мартин Димовски беше прво име кај Тиквеш со девет погодоци, а кај Куманово се истакна Тоше Ончев исто така со девет погодоци.
21. коло ќе се комплетира во вторник со мечот меѓу Охрид и Бутел, а следен викенд ќе се игра мечот од последното коло на регуларниот дел, по што ќе се формира плеј-офот и и плеј-аутот.
