Второлигашот Каменица Саса загуби на „генералката“ со третолигашот Борец во Велес со минимални 1:0.
„Рударите“ имаа шанси кои не успеаја да ги претворат во погодок, стручниот штаб ротираше и пробуваше комбинации како последен тест пред стартот на пролетниот дел бидејќи резултатот беше во втор план.
Каменица Саса на стартот од пролетниот дел ја очекува тешко гостување во Кочани дерби на Истокот против Осогово. Од друга страна, Борец ќе има време за подготовки до стартот на Трета лига – Југ, а велешани со Превалец ќе водат битка за првото место кое води кон баражот за влез во Втора лига.
