Работнички е во тешка ситуација за опстанок во Прва лига, а пролетниот дел го отвори со тежок пораз од 4:1 во Битола од Пелистер, а веќе денес го очекува тежок меч со Вардар.
Капитенот на Работнички, Бесир Демири вели дека продолжуваат на секој натпревар да се борат за својата цел, а притоа вели дека натпреварот со Вардар ќе биде мотивација да одиграат најдобро што можат.
„Продолжуваме да се бориме и на секој нареден натпревар ќе даваме максимум за да ја оствариме целта. Позицијата на табелата јасно ни налага дека ни се потребни бодови и ќе сториме сѐ да ги освоиме. Вардар е лидер на табелата, има одлична екипа, но тоа треба да биде и мотивација повеќе за нас да одиграме најдобро што можеме“, вели капитенот на Работнички, Бесир Демири.
Мечот меѓу Работнички и Вардар се игра на стадионот на ФФМ, со почеток од 13 часот.
