Денес беа одиграни уште три натпревари од осминафиналето од футсал Купот на Македонија. Бранителот на Куп титулата Форца со убедливи 5:0 го декласираше дебитантот Фудбал Старс од Кочани.
Двојни стрелци беа Артан Јунузи и Висар Аљији, а пак еден гол постигна Руфат Чалафи.
Шкупи го намачи Кеги Моби, но немаше сили за следна фаза откако загуби со 3:4. Гостинот од Велес на полувреме имаше два гола предност преку Димче Андов и Кирил Ивановски.
Во вториот дел Андов зголеми на 0:3, а потоа Арсим Фазлиу и Реџеп Сулејамни намалија на 2:3, што понуди возбудлива завршница Во 30. минута Марио Панев погоди за 2:4, а конечните 3:4 ги постави Бесар Алити во 39. минута.
Јувентус Серава забележа висока победа за пласман во четвртфиналето, откако славеше со 11:6 над Мал Ајакс. За домашниот тим хет-трик постигнаа Бејтула Јакупи и Фуркан Шабани, двојни стрелци беа Армандо Алијевиќ и Омер Османи, а стрелец на еден гол беше Сали Салиевски.
За гостинскиот тим двапати погодија Ангел Белчовски и Давид Тошев, а еднаш погоди Теодор Наков, додека пак Енез Јусифи си постигна автогол.
Вчера, Проект со 2:7 славеше убедливо над второлигашот Кратово за што веќе објави Спортска Мрежа.
