Младата фудбалска репрезентација на Македонија до 16 години оствари убедлива победа од 0:5 на гостувањето кај Малта, во натпревар во кој нашите фудбалери имаа целосна контрола од почетокот до крајот.
Македонија го отвори резултатот во 12. минута, кога Полимац одзеде топка и одлично асистираше до Емини, кој прецизно реализираше за водство од 1:0. Во 24. минута домашната селекција остана со играч помалку поради црвен картон поради прекршок надвор од шеснаесетникот врз Велески.
До крајот на првото полувреме предноста беше зголемена. Во 32. минута Велески одлично проигра до Полимац, кој погоди за 2:0, а во 40. минута повторно Полимац украде топка и му асистираше на Емини за трет погодок и водство од 3:0 на паузата.
Во второто полувреме Македонија продолжи со офанзивната игра. Крстевски се најде во добра можност во 47. минута, а само една минута подоцна повторно се закани, но голманот на Малта одбрани. Во 54. минута, по центаршут на Адеми од корнер, домашен фудбалер си постигна автогол за 4:0.
Конечните 0:5 беа поставени во 67. минута, кога Крстевски сигурно реализираше удар од белата точка. До крајот на натпреварот Македонија создаде уште неколку шанси, при што Николов во 70. минута имаше одлична можност, а Недановски во 81. минута ја погоди стативата.
Одличен настап на избраниците на селекторот Исејни, кои со доминантна игра и висока ефикасност заслужено стигнаа до убедлив триумф.
