Без победник заврши пријателскиот натпревар во Валандово меѓу Кожуф и Детонит Плачковица (1-1), во последната проверка за двата тима пред стартот на пролетната полусезона.
Гевгеличани први го отворија резултатот. Веби Ислами се запиша во листата на стрелците и донесе водство од 1-0, но радовишани брзо возвратија. Нијаз Јусуфи погоди за израмнување и ги постави конечните 1-1 уште пред заминувањето на пауза.
Во второто полувреме Детонит Плачковица создаде неколку изгледни можности, особено по прекини, каде што беше опасен од слободни удари, но изостана завршницата. Кожуф успеа да одолее и резултатот остана непроменет.
Сега вниманието на двата тима е насочено кон првото пролетно коло, закажано за 21 февруари. Кожуф на домашен терен ќе ја пречека Брегалница, додека Детонит Плачковица ќе се соочи со Големо Коњаре.
