Албан Таипи ја заврши својата епизода во прволигашот Арсими и кариерата ќе ја продолжи во нова средина, по едногодишен престој во тимот од Чегране.
Таипи во Арсими пристигна од второлигашот Детонит Плачковица и во изминатата сезона остави силен впечаток.
Иако заминува по релативно краток период, зад себе остава значаен придонес, постигнувајќи шест гола и играјќи во одлична форма во тековната сезона.
„Му се заблагодарувам на клубот, раководството, тренерите и соиграчите за соработката и поддршката во текот на оваа година. Среќен сум што имав можност да придонесам со голови и да бидам дел од една успешна сезона. На Арсими му посакувам многу успеси и уште поголеми достигнувања во иднина“, истакна Таипи.
Во својата кариера, покрај Арсими и Детонит Плачковица, Таипи настапуваше и за Беса од Добри Дол, Ренова, како и за унгарските екипи Халадаш и Сентлeринц.
